એક્ઝિટ પોલ બાદ શેર બજારમાં લાગી અપર સર્કીટ, સેન્સેક્સ-નિફ્ટી ઓલ ટાઈમ હાઈ થતા રચાયો ઈતિહાસ...!

After Exit Poll Nifty and Sensex All Time High : લોકસભા ચૂંટણી 2024ના પરિણામો તો કાલે એટલે કે 4 જૂન 2024ના રોજ આવશે પણ તે પહેલા 1 જૂને છેલ્લા તબક્કાનું મતદાન પૂરું થયા બાદ જે એક્ઝિટ પોલ આવ્યા તેમાં મોટાભાગના એક્ઝિટ પોલમાં વધુ એકવાર મોદી સરકાર બને તેવી શક્યતા જોવા મળી છે. જેને જોતા આજે શેરબજાર ખુલતાની સાથે જ ગેપઅપ ઓપનિંગ થયું. આજે સવારે જે સ્થિતિ જોવા મળી તે જોતા આજે બજારમાં જબરદસ્ત તેજી જોવા મળી શકે છે. 

► શેર બજારમાં અંધાધૂંધ તેજી

એક્ઝિટ પોલના પરિણામો બાદ શેર બજારોમાં આજે શાનદાર તેજી સાથે શરૂઆત જોવા મળી છે. સેન્સેક્સ અને નિફ્ટી તથા બેંક નિફ્ટી નવા રેકોર્ડ હાઈ પર ખુલ્યા છે. નિફ્ટી પહેલીવાર 23,300ના આંકડા પાર ખુલ્યું. નિફ્ટી બેંકમાં લગભગ 1600 અંકની તેજી જોવા મળી. જ્યારે સેન્સેક્સ પહેલીવાર 76000 પારના સ્તર પર જોવા મળ્યો.  શેર બજારમાં આજે તોફાની તેજી જોવા મળી રહી છે. પ્રી ઓપનિંગ સેશનમાં બેંકમાર્ક ઈન્ડેક્સ સેન્સેક્સ અને નિફ્ટીએ ધમાકેદાર શરૂઆત કરી હતી. આ દરમિયાન સેન્સેક્સ 2622 અંક એટલે કે 3.55 ટકાની તેજી સાથે 76,583 પર અને નિફ્ટી 807 પોઈન્ટ એટલે કે 3.58 ટકા વધીને 23,338ના લેવલ પર પહોંચી ગયો હતો. 

► નિફ્ટી-સેન્સેક્સ ઓલટાઈમ હાઈ પહોંચ્યા

ટ્રેડિંગ શરૂ થયા બાદ પણ શેર બજારમાં તેજી ચાલુ છે. જેના કારણે સેન્સેક્સ 76,738.89ના ઓલટાઈમ હાઈ લેવલ પર પહોંચી ગયો. જ્યારે નિફ્ટી પણ 23,338.70 ના પોતાના રેકોર્ડ હાઈ પર પહોંચી ગયો છે. આ સાથે જ અદાણી ગ્રુપના શેરોમાં જોરદાર તેજી જોવા મળી રહી છે. અદાણી ગ્રુપની ફ્લેગશિપ કંપની અદાણી એન્ટરપ્રાઈઝ શાનદાર વધારા સાથે ખુલી. સવારે 9.16 વાગ્યાની આજુબાજુ કંપનીના શેર 228.65 ની તેજી સાથે 3,640.00 પર ટ્રેડ  થઈ રહ્યા હતા. થોડા સમય બાદ અદાણી એન્ટરપ્રાઈઝના શેર 3,725.00ના લેવલ પર પહોંચી ગયા જે તેનું ઓલટાઈમ હાઈ લેવલ છે. 

► એક્ઝિટ પોલના પરિણામ

શનિવારે પહેલી જૂને એક્ઝિટ પોલ્સના પરિણામો આવ્યા. જો કે ખરા પરિણામ તો 4 જૂન 2024ના રોજ આવશે પરંતુ એક્ઝિટ પોલના પરિણામમાં મોદી સરકાર ત્રીજીવાર પાછી ફરે તેવી સંભાવના જોવા મળી રહી છે. એક્ઝિટ પોલના પરિણામો બાદ આજે સોમવારાં સારા એવા ઉછાળાની આશા તો હતી. જો શુક્રવારની વાત કરીએ તો બજાર રિકવર થયા હતા અને નિફ્ટી 42 પોઈન્ટ ચડીને 22530 પર બંધ થયો હતો. સેન્સેક્સ 75 અંક  ચડીને 73961 પર બંધ થયો હ તો. નિફ્ટી બેંક પણ 301 પોઈન્ટ ચડીને 48983 પર બંધ થયો હતો. 

નોંધ : શેરબજારમાં રોકાણ જોખમ પર આધારિત છે. શેરબજારમાં રોકાણ કરતા પહેલા તમારા નાણાકીય સલાહકારની સલાહ ચોક્કસ લો. Gujjunewschannel.in કોઈપણ નાણાકીય નુકસાન માટે જવાબદાર રહેશે નહીં.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - india stock market Capitalaziation hits 5 trillion dollar milestone - in one year 1 trillion market cap Achieve- indian share market all time high nifty 50 cross 23300 and sensex cross 76000 all time high - Share Market News in Gujarati - stocks to buy before election result insiders scanning these 5 sectors to invest in gujarati - lok-sabha-election-exit-poll-impact-seen-on-share-market-Nifty-sensex-all-time-high-latest-gujarati-news